NA DIA HOE TSY HO VADY
Fantaro aloha ny miafin’ilay endriny mahafatifaty
vao mamel’ilay fitiavany hitsiry ao anaty,
hevero ny takalo sy ‘zay ‘ty sy ‘nday fonosiny
sao raozy no eny an-tanany fa lefon’ an-damosiny.
Diniho ambony ambany ‘reo hevitry ny teniny
sao longoa mitoto-bozaka ezahany afeniny,
dia io ianao sondriana mankafy ‘reo rotsirotsy
hay rentirentim-pasana miloko fotsifotsy.
Fantaro koa ny tanjona kendreny hiafarana
ny vatsy sy ny lalana soritiny ombana,
dieny vao hitia, na dia hoe tsy ho vady
ndrao lala-migodana hamarin’ an-kady.
Mahefa IARANTSOA
Filed under: fiaraha-monina, fitiavana, hainteny, zavakanto | Tagged: #bozaka, #fasana, #iarantsoa, #lefona, #longoa, #mahefa, #raozy, #vady | Leave a comment »
Avylavitra - Miray anaty fahasamihafàna, mizara hitondra hafanàna 